بخصوص الصفحة البيضاء أثناء التسجيل القبلي في مباراة التوظيف بالتعاقد

نصائح بالنسبة للناس اللي كاتطلع ليهم صفحة بيضاء ملي كايديرو حفظ اولا اي خطأ اخر أثناء القيام بالتسجيل القبلي للتعبير عن الرغبة في الترشيح كيفما سماوها العلماء ديالنا:
– استعمال متصفح موزيلا Mozilla Firefox (هادشي مكايعنيش ان اللي كايستعمل متصفح اخر ماتنجحش ليه العملية.. و لكن من الاحسن) و من الحاسوب ماشي من التيليفون
– عند ادخال النقط اعتمدو النقطة “.” محل الفاصلة “,” مثلا 12.80 ماشي 12,80
– رقم البطاقة الوطنية ماديروش فيها مساحة فارغة (espace) بين الارقام و الحروف. مثلا نكتب j112233 ماشي j 112233 او j 11 22 33
– اللي معندوش شهادات اخرى بلا مايعمر المعلومات اللي تحت منها : تخصص الشهادة + تاريخ الحصول عليها + الجامعة
– بالنسبة للتجربة اللي عندو بالسنوات ماينساش يحول السنوات لشهور باش يعرف شحال اكتب في عدد اشهر الخبرة و عندكم تنساو ماتكتبو والو ف هاد الاخيرة الا كنتو ختاريتو قبل انه عندكم خبرة
– رقم الطلب و وضعية الطلب مكنكتبو فيهم والو.. و اصلا مايمكنش نكتبو فيهم.. حتى كاتكملو عملية الحفظ بنجاح عاد كايتكتبو بوحدهم
– ماتنساوش تخصص اخر للتدريس ترغب فيه (الا ماعرفتي مادير فيه اختار العربية او الفرنسية بالنسبة للابتدائي.. و نفس التخصص ديالك بالنسبة للثانوي و الاعدادي)
– تأكدو من رمز التحقق واخا تعرفو تخدمو ب الالة الحاسبة
– عند حفظ المعلومات بنجاح غادي تبان ليكم واحد النافذة فيها كلمة المرور لحسابكم (الكود) على ود اللي يبغي يغير شي معلومة من بعد (الا رقم البطاقة الوطنية مايمكنش تبدلو الا درتي حفظ)
– اللي نسى و سد هاد النافذة اللي هدرنا عليها اللي فيها الكود.. مايتخلعش راه كيسيفطو ليه نسخة للبريد الالكتروني ديالو.. هادشي علاش كانأكد عليكم ان البريد الالكتروني مهم.. اللي ماعرفش الكود ديالو ولا نساه من الاحسن يفتح بريد الكتروني جديد هو الاول عاد يتسجل
– مامحددينش لينا امتى غايحبس هاد التسجيل القبلي.. و لكن غايبان من بعد صدور اعلان المباراة و عدد المناصب بكل اكاديمية
– حاليا باقي ماعندناش امكانية المصادقة على التسجيل ديالنا من بعد الحفظ و هادشي في مصلحتنا لانه اقدر شي واحد ازرب و اختار مصادقة و مايقدرش يبدل الاختيارات ديالو من بعد
– اللي بغى يتسنى حتى يخرج اعلان المباراة مع عدد المناصب.. كانطن هاد القضية ممكنة.. مادام مقالوش امتى اخر اجل.. اللي كايعني بشكل تلقائي ان غايكون من بعد الاعلان ديال المباراة
– اللي كايطلع ليه حدث خطأ أثناء تنفيذ هذه العملية , يرجى إعادة المحاولة لاحقا… راه شي معلومة مامكتوباش هي هاديك اولا مكتوبة مزيان و لكن طويلة الجملة…حاولو تصغروها
اللي مأكد من كاع المعلومات و مع ذلك كاطلع ليه شاشة بيضاء.. 2 امكانيات ضغط على السيت.. اولا شي برامج غير متبتة عندو في الحاسوب بحال فلاش بلاير جافا…. و الله اعلم
ملي كاتبان معلومة جديدة كانزيدوها فوق من هاد الجملة مباشرة
اللي عندو معلومة اخرى يكتبها نزيدوها في هاد المنشور باش كلشي يستافد و بلا مانبقاو نكررو في نفس الاسئلة
الله يوفق الجميع
مقال للأستاذ : Ayoub Mh لا تنسوه بالدعاء
(شي دعيوة)